Birləşmiş Millətlər Təşkilatının Suriya üzrə nümayəndəsi İsrailin bu ölkədə intensivləşən hücumlarını pisləyərək, onların Suriyada həssas bir zamanda sabitliyi pozduğuna dair xəbərdarlıq edib.

Tvit.az bu barədə "The Times of İsrael"ə istinadən xəbər verir. 

Məlumata görə, Geir Pedersen verdiyi açıqlamada “İsrailin Suriyada təkrar və intensivləşən hərbi eskalasiyalarını, o cümlədən mülki əhalinin tələfatı ilə nəticələndiyi bildirilən hava hücumlarını” qınayıb. 

“Bu cür hərəkətlər özü və regionla sülh şəraitində yeni Suriya qurmaq səylərini sarsıdır və həssas bir zamanda Suriyada sabitliyi pozur”, - o əlavə edib.

Aysel Şirinova