Ukraynada hərbi əməliyyatlar prezident Co Baydenin rəhbərlik etdiyi əvvəlki ABŞ administrasiyasının günahı ucbatından başlayıb.

Bu barədə Ağ Evin mətbuat katibi Karolin Levitt jurnalistlər üçün keçirdiyi növbəti brifinqdə bildirib.

Məncə, bu müharibənin başlamasına səbəb əvvəlki administrasiyadır", - o, Ukrayna ətrafındakı vəziyyəti şərh edərkən deyib.

"[İndiki] Prezident [Donald] Trampın tez-tez dediyi kimi, [əvvəlki dörd il] vəzifədə olsaydı, bu müharibə heç vaxt başlamazdı. Bu, yalnız əvvəlki administrasiyanın səriştəsizliyi və zəifliyi səbəbindən başladı", - Leavitt bildirib. "Və prezident Tramp onun və komandasının qısa müddətdə əldə etdiyi irəliləyişlə çox fəxr edir", - Ağ Evin sözçüsü Vaşinqtonun Ukraynada nizamlanmaya yönəlmiş Moskva və Kiyevlə təmaslarına toxunaraq əlavə edib. O, Ukrayna üzrə danışıqların hazırkı nəticələrinin Rusiya ilə əlaqə saxlamaqdan qəti şəkildə imtina edən Bayden administrasiyasına qarşı “ittiham” olduğu fikri ilə razılaşıb.