Saloniki şəhəri yaxınlığında zibil torbasına qoyulmuş təxminən 2000 il olduğu təxmin edilən mərmər qadın heykəli tapılıb.

Tvit.az bu barədə xarici KİV-ə istinadən xəbər verir.

Neoi Epivates ərazisində yaşayan bir şəxs 80 santimetr hündürlüyündə başsız heykəli görüb və onu səlahiyyətlilərə təhvil verib. Yerli hökumət heykəlin tarixi əhəmiyyətini qiymətləndirmək üçün arxeoloqlarla əlaqə saxlayıb.

Mütəxəssislərin ilkin araşdırmasına görə, heykəl Makedoniyalı İsgəndərin fəthlərindən sonra incəsənət və mədəniyyətin çiçəkləndiyi eramızdan əvvəl 320-30-cu illərə aid Ellinizm dövrünə aiddir.

Elmin Alışov