ABŞ prezidenti Donald Tramp 160-a yaxın əməkdaşı müvəqqəti olaraq işdən çıxarıb.

Tvit.az xəbər verir ki, bu barədə Associated Press öz mənbələrinə istinadən məlumat yayıb.

Məlumata əsasən, prezident və onun milli təhlükəsizlik üzrə müşaviri Mayk Vals Milli Təhlükəsizlik Şurasının (MTŞ) əsaslı şəkildə yenidən təşkili prosesinə başlayıb.

Bildirilib ki, bu addımın məqsədi MTŞ əməkdaşlarının Prezident Trampın Amerika Birinci gündəliyini həyata keçirməyə və vergi ödəyicilərinin dollarlarından mümkün qədər səmərəli istifadə etməyə tam sadiq olmasını təmin etməkdir.

Qeydə əsasən, işçilərin öz agentliklərinə geri göndərilməsini ehtiva edən islahat, daha səmərəli və sadələşdirilmiş struktur yaratmaq məqsədi daşıyır.

Bu proses xüsusilə Dövlət Departamentindən, FTB-dən və Mərkəzi Kəşfiyyat İdarəsindən köçürülən mütəxəssislərə təsir edəcək, onların səlahiyyət müddəti adətən bir ildən iki ilə qədər davam edir.

Aysel Şirinova