Vladimir Zelenski Qərb ölkələrini Kiyevin Şimali Atlantika Alyansına üzvlüyü ilə bağlı Ukraynaya qarşı yalan danışmaqda və ədalətsiz davranmaqda ittiham edib.

Tvit.az xəbər verir ki, bu barədə xarici KİV-lər məlumat yayıb.

Məlumata əsasən,  o, Almaniya və ABŞ-nin Ukraynanın NATO-da olub-olmamasına qərar verməsindən narazılığını bildirib.

“Düzünü desəm, hesab edirəm ki, əvvəlcə bu, çox şəffaf siyasət deyildi və onlar bizi NATO-da dəstəkləmədilər. Bu sadəcə yalan sözlər idi ki, bəli, Ukrayna NATO-da olacaq, çünki onilliklər keçib amma Ukrayna NATO-da deyil. Bu isə Ukraynaya və ukraynalılara qarşı ədalətsizlik idi”, - deyə, o,  Davosda Dünya İqtisadi Forumunda beynəlxalq media nümayəndələrinə danışarkən deyib.

Bununla belə, Zelenski ölkənin əvvəlki liderlərinin də ukraynalılara qarşı vicdansız davrandıqlarını qeyd edərək, əmin edib ki, Kiyevə üzvlük vəd edilib.

Aysel Şirinova