ABŞ-ın Kaliforniya ştatında meşə yanğınlarının vurduğu zərər 275 milyard dollara çatıb.

Tvit.az xəbər verir ki, bu barədə “AccuWeather” konsaltinq şirkətinin hesabatında bildirilib. Şirkətin mütəxəssisləri ümumi zərər və iqtisadi itki ilə bağlı ilkin hesablamalarını 250-275 milyard dollara qədər artırıb.

“Yanğın zonalarının yaxınlığında və Los-Anceles bölgəsinin çox hissəsində inanılmaz dərəcədə təhlükəli bir həftə olacaq, rəsmi evakuasiya əmrlərinə əməl edin” - meteoroloq Alex DaSilva bildirib.

Qeyd edək ki, yanvarın 7-də Los-Anceles dairəsində başlayan meşə yanğınlarının ümumi sahəsi 16 min hektarı ötüb. Təbii fəlakət nəticəsində azı 24 nəfər həlak olub, məşhur şəxslərin evləri də daxil olmaqla, 12,3 mindən çox bina yanıb.