Çinin "China Southern" aviaşirkəti Moskva - Pekin marşrutu üzrə birbaşa uçuşları dayandırıb.

Tvit.az xəbər verir ki, bu barədə Rusiya Turoperatorları Assosiasiyası (ATOR) məlumat yayıb.

Məlumata əsasən, yanvarın 20-dən martın 30-dək, qış qrafiki bitənə qədər təyyarələrin uçuşları dayandıracağı dəqiqləşdirilib. Eyni zamanda, Rusiya və Çin paytaxtları arasında Quançjouya köçürmə ilə uçuşlar mövcuddur.

Mütəxəssislərin fikrincə, uçuşların dayandırılması Pekindən keçməklə üçüncü ölkələrə uçanlar da daxil olmaqla, təxminən 15-17 min insana təsir edəcək. Ehtimal olunur ki, xarici aviaşirkət bu qərarı daxili problemlər və Çin vətəndaşlarının Çin Yeni ili zamanı kütləvi səyahətləri fonunda marşrut şəbəkəsinə yenidən baxılması səbəbindən verib.

Aysel Şirinova