Gürcüstan prezidenti Salome Zurabişvili bəyan edib ki, ölkəsində siyasi böhran hökm sürür və bu vəziyyətdən yeganə çıxış yolu parlament seçkilərinin təzələnməsidir.
Tvit.az bu barədə Türkiyə mediasına istinadən xəbər verir.
Oktyabrın 26-da ölkəsində keçirilən parlament seçkilərindən sonra başlayan və hökumətin Avropa İttifaqına (Aİ) üzvlük danışıqlarının başlamasını dayandırdıqdan sonra artan etirazların davam etdiyini qeyd edən Zurabişvili nümayişçilərin parlament seçkilərinin yenilənməsini tələb etdiyini bildirib.
Zurabişvili hökumətin AB ilə münasibətlərində verdiyi qərara münasibət bildirərək, ölkəsində siyasi böhran olduğunu qeyd edərək “Böhrandan yeganə çıxış yolu seçkilərin yenilənməsidir” deyib.
Dekabrın 29-na kimi yeni seçki tarixini müəyyən etmək üçün hökuməti onunla görüşə dəvət edən Zurabişvili bildirib ki, böhran daha da gərginləşməməlidir.
Prezident Zurabişvili bəyan edib ki, Tbilisi hökuməti “dağılmağa başlayıb” və hökumət yeni seçkilər keçirməsə, bu seçki “hökumətin dağılması” yolu ilə keçiriləcək.
Gürcüstanın baş naziri İrakli Kobaxidze dünən keçirdiyi mətbuat konfransında parlament seçkilərinin yenilənməyəcəyini bildirib.
"Növbəti seçki parlamentin 4 illik səlahiyyət müddəti 2028-ci ildə başa çatdıqdan sonra keçiriləcək" - Kobaxidze bildirib.
Aysel Şirinova