Gürcüstanın Qafqaz dağlarında yerləşən Qudauri kurortunda dəm qazından zəhərlənmə şübhəsi ilə 12 nəfərin meyiti tapılıb. 
Tvit.az xarici mediaya istinadən xəbər verir ki, bu barədə Gürcüstanın Daxili İşlər Nazirliyi məlumat yayıb.
Verilən məlumata görə, cümə günü hadisə yerində olan şəxslərin meyitləri restoranın üstündəki istirahət zonasında tapılıb. Rəsmi şəxslər zorakılıq əlamətləri olmadığını bildiriblər.
Ölənlərdən biri Gürcüstan, digər 11 nəfər isə xarici vətəndaşlardır. 
Qeyd edək ki, Qudauri Rusiya sərhədinə yaxın olan və xizək sürmə ilə məşhur kurortdur. 
Aysel Şirinova