BMT İsrailin Qəzzaya davam edən hücumlarının fələstinliləri risk altında saxladığını və humanitar ehtiyacları artırdığını bildirib.

Tvit.az xəbər verir ki, BMT-nin Humanitar İşlərin Koordinasiyası Ofisinin (OCHA) məlumatına görə, cümə günündən etibarən İsrailin atəş, artilleriya və dəniz zərbələri nəticəsində bir neçə mülki şəxs həlak olub. Təşkilat beynəlxalq humanitar hüquqa əsasən mülki şəxslərin və infrastrukturun qorunmalı olduğunu vurğulayıb.

OCHA həmçinin bildirib ki, müharibə başlayandan Qəzzada 1000-dən çox partlayıcı sursat aşkarlanıb. Təşkilat həyat qurtaran xidmətlərin göstərilməsi üçün zəruri ləvazimat və avadanlıqların Qəzzaya çatdırılmasına icazə verilməsinin vacibliyini qeyd edib.

Aysel Şirinova