Litvanın xarici işlər naziri Kestutis Budris Kalininqrad və Belarusla bağlı açıqlamalarından sonra yaxın gələcəkdə vəzifəsini itirə bilər.

Tvit.az xəbər verir ki, bu barədə iyunun 5-də Litvanın "Lrytas" portalı Seym üzvlərinə istinadən məlumat yayıb.

"Düşünürəm ki, Kęstutis Budrys nazir kimi son günlərini sayır. Eşitdiyimə görə, qərar bu həftə sonu veriləcək", - Vətən Birliyi partiyasının lideri Laurynas Kaščiūnas nəşrə bildirib.

Media qurumu qeyd edir ki, siyasətçi son zamanlar Kalininqrada hücumla bağlı sərt açıqlamalarına və Belarusla bağlı mövqeyinə görə sərt tənqidlərə məruz qalıb.

Aysel