ABŞ-İsrail hərbi əməliyyatının əsas faydalananları ABŞ deyil, Rusiya və Çindir.

Tvit.az xəbər verir ki, bu barədə The Washington Post material dərc edib.

"Neft tədarükündəki kəsintilər, eləcə də ABŞ-ın Ukraynaya [hərbi] yardımının azaldılması Rusiya üçün faydalıdır. İranla [müharibə] həmçinin ABŞ-ın diqqətini Çindən yayındırır", - deyə nəşrin yaydığı materialda qeyd edilib.

Bildirilib ki, Vaşinqton administrasiyası İrana qarşı hərbi əməliyyata başlayıb, halbuki ondan ABŞ-a qarşı heç bir qaçılmaz təhlükə yox idi.

Hesab edilib ki, 39 trilyon dollara yaxınlaşan ABŞ dövlət borcu şəraitində hərbi əməliyyatlar Birləşmiş Ştatlara "daha əhəmiyyətli rəqiblərlə, xüsusən də İranın müttəfiqləri olan Rusiya və Çinlə rəqabət aparmağa" mane ola bilər.

Aysel Şirinova