İtaliya, ABŞ lideri Donald Trampın sülh planı həyata keçirildiyi zaman Fələstini dövlət kimi tanıya bilər.

Tvit.az xəbər verir ki, bu barədə İtaliyanın baş naziri Corca Meloni bildirib.

Baş nazir qeyd edib ki, o, Fələstinin müstəqil dövlətə çevrilməsinin tərəfdarıdır. 

“Aydındır ki, əgər plan həyata keçirilərsə, Fələstin Dövlətinin tanınması daha da yaxınlaşacaq. Şərtlər, o cümlədən parlamentin müəyyən etdiyi tələblər  yerinə yetirildiyi zaman, əlbəttə ki, bu baş verəcək”, – deyə Meloni bildirib.

Bundan əvvəl Misirdə Qəzza zolağında atəşkəs haqqında saziş imzalanmışdı. Ağ Ev rəhbəri bu razılaşmanı son dərəcə çətin adlandırıb, lakin tərəflərin davamlı sülhə nail ola bildiyinə ümid etdiyini söyləyib.