İsrailin hərəkətləri nəticəsində Qəzza zolağında öldürülən fələstinlilərin real sayı 65 min nəfərlik rəsmi təxminlərdən 10 dəfə çoxdur və ən azı 680 min nəfərdir.

Tvit.az xəbər verir ki, bu barədə BMT-nin ələ keçirilmiş Fələstin ərazilərində insan haqlarının vəziyyəti üzrə xüsusi məruzəçisi Francesca Albanese deyib.

"Qəzzada öldürülən fələstinlilərin sayı 65 min nəfərdir ki, onların 75% -dən çoxu qadın və uşaqlardır. Əslində, 680.000 rəqəmi haqqında düşünməliyik, çünki bəzi elm adamlarının və tədqiqatçılarının Qəzzada ölənlərin əsl sayı olduğuna inandıqları rəqəmdir. Bu rəqəm təsdiqlənərsə, onlardan 380 mini beş yaşdan kiçik uşaqlardır," - deyə o, Cenevrədə keçirdiyi mətbuat brifinqində bildirib. 

Albanese qeyd edib ki, bu rəqəmi sübut etmək və ya təkzib etmək xüsusən də müstəntiqlərin və digərlərinin işğal olunmuş Fələstin ərazisinə girişi qadağan edilməyə davam edərsə çətin olacaq.

Aysel Şirinova