Rusiya Norveçdəki əmlakına tətbiq edilən həbslərin aradan qaldırılması üçün addımlar atacaq.

Tvit.az xəbər verir ki, bu barədə Rusiya Xarici İşlər Nazirliyindən bildirilib.

"Moskva Oslodan beynəlxalq hüquq normalarına, o cümlədən Şpitsbergen müqaviləsinin müddəalarına qeyd-şərtsiz əməl etməyi tələb edir", - deyə qeyd edilib. 

Xatırladaq ki, Rusiya ilə Norveç arasında Şpitsbergen arxipelaqındakı Rusiya aktivləri ilə bağlı mübahisələr mövcuddur. Norveçdə Rusiya aktivlərinə qarşı tətbiq edilən məhdudiyyətlər və əmlakın həbsə alınması Moskvanın etirazına səbəb olub. Rusiya tərəfi bu addımların 1920-ci il Şpitsbergen müqaviləsinin müddəalarına zidd olduğunu bildirir.