"Drujba" neft kəmərinin əsas qovşaqlarından biri olan "Kaleykino" stansiyasına PUA hücumu qeydə alınıb.

Tvit.az xəbər verir ki, bu barədə görüntüləri telegram kanalları yayıb.

Belə ki, yerli sakinlərin məlumat verdiyi PUA zərbəsindən sonra obyektdə yanğın baş verib.  Sözügedən stansiyanın Tatarıstan ərazisində yerləşdiyi bildirilib.

Bu gecə həmçinin Saratov, Voronej və Belqorodda partlayış səsləri eşidilib, sonuncuda elektrik enerjisinin verilişində kəsintilər qeydə alınıb.

Hadisə ilə bağlı rəsmi məlumat verilməyib.

Aysel Şirinova