Rusiyanın xarici işlər naziri Sergey Lavrov Astanaya gəlib.

Tvit.az xəbər verir ki, bu barədə TASS məlumat yayıb.

Məlumata əsasən o,  cümə axşamı Qazaxıstanın baş nazirinin müavini və xarici işlər naziri Murat Nurtleu ilə danışıqlar aparacaq. 

Bildirilib ki, Rusiya xarici işlər nazirinin ikigünlük işgüzar səfəri noyabrın 6-7-də baş tutacaq. 

Bundan əvvəl Rusiya Xarici İşlər Nazirliyinin rəsmi nümayəndəsi Mariya Zaxarova bildirib ki, danışıqlar zamanı xarici əlaqələr idarələrinin rəhbərləri Rusiya prezidenti Vladimir Putinin Qazaxıstana dövlət səfərinin hazırlanmasına xüsusi diqqət yetirəcəklər. Bundan əlavə, ikitərəfli gündəm, eləcə də qarşılıqlı maraq doğuran aktual beynəlxalq məsələlər müzakirə olunacaq. 

Aysel Şirinova