Sinqapurda şahmat üzrə dünya çempionu adı uğrunda final matçı davam edir. 

 Xatırladaq ki, şahmat tacı uğrunda final matçında gənc hindistanlı iddiaçı Qukeşlə, hazırki dünya çempionu çinli Dinq Liren üz-üzə gəlirlər.

 Tvit.az xəbər verir ki, dünən keçirilmiş matçın doqquzuncu partiyası bərabərliklə nəticələndi. Tərəflər 54-cü gedişdə heç-heçəyə razılaşmalı olublar. Qeydə alınan nəticə ümumi hesabda da tarazlığı pozmadı 4,5:4,5. Bu gün finalda istirahət günüdür. Sabah isə şahmatçılar 10-cu partiyanı oynamaq üçün yenidən üz-üzə gələcək.

  Qeyd edək ki, final matçı ümumilikdə 14 partiyadan ibarət olacaq. Əgər 14 partiyanın sonunda qalib müəyyənləşməsə, şahmatçılar əlavə tay-brek oynayacaqlar .