Gürcüstan Brüsseldə keçiriləcək Genişlənmə Forumuna, eləcə də əlaqəlilik və təhlükəsizlik məsələlərinə dair nazirlər görüşünə dəvət almayıb.
Tvit.az xəbər verir ki, bu barədə Gürcüstan Xarici İşlər Nazirliyi məlumat yayıb.
Bildirilib ki, ölkə nümayəndəsi bu gün, noyabrın 16-da baş tutacaq tədbirlərdə iştirak etməyəcək.
“Bununla belə, Gürcüstan Avropa İttifaqı ilə konstruktiv əməkdaşlığa sadiq qalır və müvafiq səviyyədə dəvət alacağı təqdirdə görüşlərdə iştirak etməyə hazırdır. Bu mövqe Brüsselə məlumdur”, – deyə XİN-in açıqlamasında qeyd olunub.
Aysel Şirinova