Fələstin hərəkatı HƏMAS İsraillə Qəzzada atəşkəslə bağlı dialoqda güzəştlər etmək niyyətində deyil.
Tvit.az xəbər verir ki, bu barədə Fələstin hərəkatının rəsmi nümayəndəsi İzzat ər-Rişq bildirib.
Onun sözlərinə görə Fələstin İsrail ordusunun Fələstin enklavından tam çıxarılması tələbindən əl çəkməyəcək.
“Tam atəşkəs Fələstin xalqının müdafiəsinin yeganə zəmanətidir, qan tökülməsinə və qırğınlara son qoyulmasıdır”, – İzzat ər-Rişq deyib.
O əlavə edib ki, HƏMAS “Qəzzadan [İsrail ordusunun] tam çıxarılması və məcburi köçkünlərin azad şəkildə geri qaytarılmasının zəruriliyi ilə bağlı heç bir güzəştə getməyəcək”.
Aysel Şirinova
