Boliviyanın keçmiş prezidenti Evo Morales ABŞ-ın dünya üzərindəki hakimiyyətinin sona çatdığını elan edib və BRİKS dövlətlərarası assosiasiyaya güvəndiyini bildirib.

Tvit.az xəbər verir ki, bu barədə xarici KİV-lər məlumat yayıb.

“Şübhəsiz ki, 1845-ci ildə ABŞ-a Tanrı tərəfindən dünyanın ağaları olmaq üçün xeyir-dua verildiyinə inanılırdı. Lakin onlar artıq dünyaya sahib deyillər”, - Morales bildirib.

Sabiq dövlət başçısı BRİKS-ə və yeni dünya düzəninə inandığını da bildirib. Onun sözlərinə görə, assosiasiya dünya əhalisinin yarısını təmsil edir və buna görə də Boliviya üzv ölkələrlə əməkdaşlığı artırmalıdır.

Morades həmçinin çoxqütblü qarşılıqlı fəaliyyətin vacibliyini qeyd edib və əlavə edib ki, Rusiya və Çin kimi ölkələr dünya xalqları üçün böyük ümidi təmsil edir.

Aysel Şirinova