Argentina prezidenti Xavyer Miley  ABŞ-nin yeni seçilmiş prezidenti Donald Trampla görüşüb.

Tvit.az xəbər verir ki, bu barədə X-də (keçmiş Twitter) Cənubi Amerika respublikası liderinin mətbuat xidməti məlumat yayıb.

Məlumata əsasən, görüş amerikalı siyasətçinin Mar-a-Laqo iqamətgahında Mühafizəkarların Siyasi Fəaliyyət Konfransı çərçivəsində baş tutub.

 “Görüşdə Argentina Prezident Aparatının baş katibi Karina Miley və xarici işlər naziri Xerardo Verteyn də iştirak edib”, - deyə mətbuat xidməti məlumat yayıb.

O, Trampı qələbə münasibətilə bir daha təbrik edib və sosializmi tənqid edib.  Bildirilib ki, Argentina prezidentinin çıxışı əvvəlcə planlaşdırdığından daha qısa olub.

Bu, Maylinin 2023-cü ilin dekabrında vəzifəyə gəldikdən sonra ABŞ-yə yeddinci səfəridir. 

Aysel Şirinova