Ədliyyə Nazirliyinin Aparatının strukturuna Strateji planlaşdırma və monitorinq və Ədliyyə sahəsində xidmətlər baş idarələri daxil edilib.
Tvit.az APA-ya istinadən xəbər verir ki, bu, Prezident İlham Əliyevin fərmanı ilə “Azərbaycan Respublikası Ədliyyə Nazirliyinin strukturu”na edilən dəyişiklikdə əksini tapıb.
Dəyişikliyə əsasən, Təşkilat-nəzarət və Qeydiyyat və notariat baş idarələri ləğv edilib. Kadrlar Baş İdarəsinin əsasında isə İnsan Resursları Baş İdarəsi yaradılıb.
Eyni zamanda Ədliyyə Nazirlyinin Kollegiyasının üzvləri sırasından Təşkilat-nəzarət və Qeydiyyat və notariat baş idarələrinin rəisləri çıxarılıb, Strateji planlaşdırma və monitorinq və Ədliyyə sahəsində xidmətlər baş idarələrinin rəisləri əlavə edilib.