Ukrayna yaxın bir neçə il ərzində Şimali Atlantika Müqaviləsi Təşkilatına (NATO) qəbul olunmayacaq.
Tvit.az xəbər verir ki, bu barədə Ağ Ev bildirib.
“Əgər geriyə baxsanız ki, necə başladı, Vilnüsdən əvvəl bir qədər hiss olunurdu ki, Ukraynanın NATO-da rolu, belə desək, ikilidir. Ya üzvdür, ya da yox. Amma düşünürəm ki, biz bunu bir az da genişləndirməyin yollarını tapmağa, Ukraynanın üzv olmağa doğru irəliləməsini təmin etməyə çalışırdıq. Bu, əlbəttə ki, çətindir çünki hazırda böyük müharibənin ortasındadır. Biz indi, həmçinin növbəti bir neçə ildə onun müdafiəsini və təhlükəsizliyini gücləndirəcək addımlar ata biləcəyik. Beləliklə, bu an yarananda Ukrayna üzvlüyə qoşulduqda, daha güclü mövqedə olacaq”, – deyə Ağ Ev nümayəndəsi Atlantik Şurasında keçirilən seminarda bildirib.
Aysel Şirinova
