Taliban 3 qonşu ölkəni İŞİD-ə “yardım etməkdə” ittiham edib.
Tvit.az xəbər verir ki, bu barədə məlumatı xarici KİV-lər yayıb.
Məlumata əsasən, Əfqanıstanın xarici işlər naziri vəzifəsini icra edən Müttəki Kabildə Əfqanıstan-Qazaxıstan sərgisinin açılışında çıxış edərkən 3 qonşu ölkəni İŞİD-ə kömək etməkdə ittiham edib.
“Bir ölkə İŞİD-i insan resursları ilə təmin edir, ikincisi onun təlimi ilə məşğuldur, üçüncüsü isə bütün bunları maliyyələşdirir”, – nazir deyib. O qeyd edib ki, Əfqanıstanda İŞİD döyüşçüləri yoxdur.
Nazir sözügedən ölkələrin hansı olduğunu dəqiqləşdirməyib, lakin Taliban kəşfiyyatının ruporu Əl Mirsaad qeyd edir ki, söhbət Tacikistan, İran və Pakistandan gedir.
Aysel Şirinova