Rusiya latviyalı diplomatları “persona non-qrata” elan edib.
Tvit.az xəbər verir ki, bu barədə Rusiya Xarici İşlər Nazirliyinin mətbuat xidmətindən bildirilib.
“Qarşılıqlılıq prinsipinə əsaslanaraq, habelə 1961-ci il diplomatik münasibətlər haqqında Vyana Konvensiyasının 9-cu maddəsinə uyğun olaraq, Latviya səfirliyinin iki diplomatik işçisinin Rusiyadan qovulduğu bildirilir”, – deyə nazirlikdən bildirilib.
Qeyd edək ki, bu il martın sonunda Latviya Xarici İşlər Nazirliyi rusiyalı diplomatlardan birini “person non-qrata” elan edib. Ona aprelin 10-dək Baltikyanı respublikanı tərk etmək əmri verilib.
Aysel Şirinova