ABŞ prezidenti Co Bayden İsrailin baş naziri Netanyahu ilə danışıb.
Tvit.az xəbər verir ki, bu barədə məlumatı Ağ Ev yayıb.
Məlumata əsasən, Bayden bu ayın əvvəlində İranın misli görünməmiş raket və pilotsuz təyyarə hücumuna qarşı uğurlu müdafiəsindən sonra İsrailin təhlükəsizliyinə bağlılığını bir daha təsdiqləyib. Onlar həmçinin Qəzzada dərhal atəşkəs əldə olunması ilə birlikdə girovların azad edilməsi üçün davam edən danışıqları nəzərdən keçiriblər.
Bildirilib ki, telefon danışığında rəsmilər həmçinin bu həftədən başlayaraq yeni şimal keçidlərinin açılmasına hazırlıqlar da daxil olmaqla Qəzzaya humanitar yardımın çatdırılmasının artırılmasını müzakirə ediblər.
Aysel Şirinova
