“Qəzza zolağında böhranın tezliklə həllinə töhfə verə biləcək ölkələrdən biri də ABŞ-dır. Bunun üçün onlar İsrailə təzyiq göstərməlidirlər”
Tvit.az xəbər verir ki, bu sözləri Türkiyə Parlamentinin Beynəlxalq Əlaqələr Komissiyasının rəhbəri Fuat Oktay deyib.
Türkiyə parlamentinin nümayəndə heyətinin başında ABŞ-yə səfər edən Oktayın sözlərinə görə, Qəzzadakı vəziyyətlə bağlı Ankara ilə Vaşinqton arasında fikir ayrılıqları var: “Fələstin məsələsi 100 ilə yaxındır ki, mövcuddur. Türkiyənin İsrail xalqı ilə heç bir problemi yoxdur, problem bu ölkə rəhbərliyinin Qəzzada tətbiq etdiyi zorakılıq və siyasətdədir” – Oktay qeyd edib.
