ABŞ-a təsir edən qar fırtınası və soyuq dalğa həyatı iflic edib.
Tvit.az xəbər verir ki, ABŞ mətbuatının yaydığı məlumata görə fırtınanın şiddəti ilə ağacların və elektrik xətlərinin aşması minlərlə ev və iş yerində elektrik enerjisinin kəsilməsinə səbəb olub.
Məlumata görə, yanvarın 12-dən Arkanzas, İllinoys, Kanzas, Missisipi, Nyu-York, Oreqon, Pensilvaniya, Tennessi və Viskonsin ştatlarında əlverişsiz hava şəraiti səbəbindən 40 nəfər ölüb. Ən çox ölüm halı 14 nəfərlə Tennessi ştatında qeydə alınıb. Sabahdan etibarən ölkənin qərbindən şərqinə daha çox qar yağacağı və donma riskinin artacağı barədə xəbərdarlıq edilib.
Elmin Alışov
