Fransa Prezidenti Emmanuel Makron ABŞ-ın Ukraynaya bəzi silah tədarüklərini dayandırması barədə məlumatı “texniki qərar” hesab edir.

Tvit.az xəbər verir ki, bu barədə xarici KİV-lər məlumat yayıb.

“Mən belə başa düşdüm ki, texniki qərarlar qəbul edilib, lakin mən onların lazımsız şərhi ilə məşğul olmaq istəməzdim. Mən yalnız onu görürəm ki, ABŞ Ukraynaya dəstəyini davam etdirəcəyini təsdiqləyir. Onlar əvvəldən bu məsələdə mühüm rol oynayıblar,” – deyə Makron Fransanın cənubundakı Rokfor-sür-Sulzon kommunasına səfəri zamanı jurnalistlərə bildirib.

O, Kiyevə dəstəyin saxlanmasının və Rusiyaya qarşı sanksiyaların gücləndirilməsinin son dərəcə vacib olduğunu vurğulayıb. Onun sözlərinə görə, Avropa İttifaqı guya artıq Rusiyaya qarşı 18-ci sanksiyalar paketini qəbul edib, baxmayaraq ki, Aİ-nin son sammitində Slovakiya buna veto qoyaraq paketin təsdiqlənməsinə imkan verməyib. 

Aysel Şirinova