İran nüvə proqramı ilə bağlı fikir ayrılıqlarını həll etmək üçün Birləşmiş Ştatlarla nəticə yönümlü müzakirələrdə qəti və qətiyyətlə iştirak etməyə davam edəcək.

Tvit.az xəbər verir ki, bu barədə İslam Respublikası Xarici İşlər Nazirliyinin növbəti dəfə dialoqun təxirə salınması barədə qərardan sonra yaydığı bəyanatda bildirilir.

"Danışıqların lap əvvəlindən İran nümayəndə heyəti nüvə enerjisinin dinc məqsədlərlə istifadəsi sahəsində beynəlxalq hüquqa uyğun olaraq ölkəmizin prinsipial mövqelərinə əsaslanan aydın çərçivəni və qanunsuz sanksiyaların aradan qaldırılmasının zəruriliyini vicdanla ifadə edib. İran ədalətli, məntiqli və davamlı qarşılıqlı anlaşmaya nail olmaq məqsədi ilə niyyətlərinin ciddiliyini nümayiş etdirdi və qətiyyətlə bu yolda irəliləyəcək", - deyə vurğulanıb.