Aprelin 7-dən Rusiya ilə sərhəd yaxınlığında Finlandiya ordusunun helikopterləri təlim keçəcək.

Tvit.az xəbər verir ki, bu barədə Finlandiya Silahlı Qüvvələrinin saytında məlumat verilib.

"Utti Jaeger Regiment-in helikopter batalyonunun gecə uçuş yaz məşqlərinin son həftəsi 7 aprel 2025-ci il bazar ertəsi günü başlayacaq. Təlimlərlə bağlı uçuşlar əsasən Kymenlaakso vilayətində (Rusiya Federasiyası ilə sərhəd ) cəmlənib. Helsinkinin mərkəzi hissəsi də daxil olmaqla, Körfəz ərazisində və paytaxt regionunda da uçuşlar başlayacaq", - deyə bəyanatda bildirilir.

Finlandiya bundan əvvəl bildirib ki, 2029-cu ilədək müdafiə xərclərini ÜDM-in 3%-nə çatdırmaq niyyətindədir. Ölkə NATO-ya daxil olandan bəri hərbi məşqlər və təlimlər də fəal şəkildə keçirilib. 

Aysel Şirinova