Fransa Xarici İşlər Nazirliyinin sözçüsü Kristof Lemoine Qəzza zolağının və işğal altındakı İordan çayının qərb sahilinin istənilən ilhaqına qarşı olduqlarını bildirib.

Tvit.az bu barədə Türkiyə mediasına istinadən xəbər verir. 

Məlumata görə, iki Fransa vətəndaşı Cecile Kohler və Jacques Paris-in 1000 gündən artıqdır ki, İranda nəzarətdə saxlanıldığını bildirən Lemoine bu çərçivədə Fransanın xarici işlər naziri Jan-Noel Barrotun İranın Vyanada nəzərdə tutulmuş öhdəliklərini yerinə yetirmədiyi səbəbiylə Beynəlxalq Ədalət Məhkəməsinə (ICJ) cinayət işi açacağını bəyan etdiyini bildirib.

İsrailin Qəzzada dinc əhaliyə qarşı yenidən hücumlarını pislədiklərini ifadə edən Lemoine "Atəşkəsin pozulması dramatik bir geri addımdır. Nazirin (Barrot) Milli Məclisdə xatırlatdığı kimi, istər İordan çayının qərb sahilində, istərsə də Qəzzada istənilən ilhaqın əleyhinəyik" deyib.

Bölgədə danışıqların yenidən başlamasının vacibliyinə diqqət çəkən Lemoine ölənlərin sayının fəlakətli olduğuna diqqət çəkib.