Finlandiya Məhkəmə İcraçıları Xidməti ruslara məxsus olan Helsinki Hall idman-konsert kompleksinin satışından əldə olunan gəlirləri dondurub.

Tvit.az  xəbər verir ki, bu barədə departamentin nümayəndəsinə istinadən Yle ictimai yayımı məlumat yayıb.

Rayon məhkəmə icraçıları xidmətinin rəhbəri Aki Virtanenin qeyd edib ki, vəsaitlər agentliyin rəsmi hesabında və ya xüsusi depozit hesabında saxlanılacaq. Televiziya şirkətinin mənbəsi kommersiya məxfiliyi və sanksiya siyasətinə istinad edərək, sövdələşmənin məbləğini açıqlamayıb.

Televiziya şirkəti xəbər verir ki, vəsaitlərin dondurulması belə qərar üçün əsaslar, yəni Helsinki Hall-ın keçmiş sahiblərinə qarşı sanksiyalar qüvvədə olduğu müddətcə qüvvədə qalacaq. Finlandiya Xarici İşlər Nazirliyi aydınlaşdırıb ki, “sanksiyaya məruz qalan ölkələrə pulların qaytarılması Aİ sanksiyalarının ləğvini tələb edir”.

Aysel Şirinova