Uzun müddət davam edən cizgi serialı "The Simpsons" "gələcək proqnozları" ilə gündəmdə olmağı bacarır. Ekran işinin indiyədək İngiltərədəki maliyyə böhranından tutmuş 2024-cü il ABŞ seçki xəritəsinə, Donald Trampın prezidentliyinə və BitCoin-in yüksəlişinə qədər bir çox proqnozları düz çıxıb.
"Tvit.az" xəbər verir ki, indi "The Simpsons"ın 2025-ci il üçün sadaladığı proqnozlardan birinin gərçəkləşməsi daha çox diqqəti cəlb edib.
Cizgi serialının 2025-ci il proqnozlarının başlanğıcı olan yanğın Los-Ancelesdə özünü göstərdi. Personaj "Lisa Simpson"un xəbərlərə baxarkən yanğınları görməsi ilə başlayan proses təsvir edilib. Prosesin qalan hissəsi aşağıdakı kimi baş verir...
Serialın 24-cü mövsümünün 9-cu bölümü olan "Homer Goes to Prep School"da Homer uşaqları ilə bir oyun mərkəzinə gedir və orada bir kişinin fəlakətə hazırlıq haqqında söhbətini eşidir.
Bu şəxs yaxınlaşan sosial çöküşə hazır olmağın vacibliyini vurğulayır. Homer bu fikirlərdən təsirlənir və fəlakətə hazırlıq qrupuna daxil olur və ailəsini bu mövzuda maarifləndirməyə başlayır.
Bir müddət sonra onların yaşadıqları Sprinqfild şəhərində bir-birinin ardınca fəlakətlər gəlir. Bütün şəhərdə elektrik enerjisinin kəsilməsi qarşısıalınmaz xaosa səbəb olur. Bazarlarda boş rəflər görünməyə başlayır və insanlar bir tikə çörək üçün belə mübarizə aparmağa başlayır. İnternetə çıxış problemləri hökumət böhranı ilə müşayiət olunur.
Serialın 2025-ci il üçün proqnozlaşdırıldığı iddia edilən bu xaos mövzuları sosial mediada da geniş oxucu kütləsi tərəfindən maraqla izlənilir.
