Türkiyənin xarici işlər naziri Hakan Fidan və Qətər Dövlət Təhlükəsizliyi Xidmətinin rəhbəri Xəlfan əl-Kaabi Dəməşqə gəlib və burada Suriyanın yeni hakimiyyət orqanlarının nümayəndələrindən biri Əhməd əl-Şaraa və keçid hökumətinin rəhbəri ilə görüşməyi planlaşdırırlar.

Tvit.az xəbər verir ki, bu barədə Suriya İnformasiya Nazirliyi məlumat yayıb.

 Bəyanatda deyilir: “Türkiyə xarici işlər naziri Hakan Fidan, Milli Kəşfiyyat Təşkilatının rəhbəri İbrahim Kalın və Qətər Dövlət Təhlükəsizlik Xidmətinin rəhbəri Xəlfan əl-Kaabi də daxil olmaqla Türkiyə-Qətər nümayəndə heyəti Dəməşqə gəlib".

Bəyanata əsasən, görüşdə tərəflər “Suriyadakı reallıqlara dair ümumi baxışın inkişaf etdirilməsi və Suriyanın yeni rəhbərliyinin ərəb, regional və beynəlxalq mühitə daxil edilməsi” mövzusuna diqqət yetirəcəklər. Bundan əlavə, danışıqlarda iştirak edənlər ölkədə hakimiyyət uğrunda mübarizə zamanı müxalifəti formalaşdıran bütün qüvvələr arasında “daxili siyasi dialoqun” təşviqi yollarını müzakirə edəcəklər.

Aysel