Qazaxıstanın Energetika Nazirliyi respublikada yerləşən Kondensat neft emalı zavodunun Rusiya neftini emal edəcəyini və istehsal etdiyi neftin 70%-ni Rusiyaya, qalan 30%-ni isə Qazaxıstanda saxlayacağını açıqlayıb.

Tvit.az xəbər verir ki, bu barədə Qazaxıstanın energetika naziri Yerlan Akkenjenov TASS-ın sualına cavab olaraq keçirdiyi brifinqdə bildirib.

 "Hazırda tələb olunan neft məhsullarının - benzin və dizel yanacağının - 30%-ə qədərinin Qazaxıstanda qalacağı, qalan hissəsinin isə Rusiyaya göndəriləcəyi barədə razılığa gəlmişik. Hesab edirəm ki, bunlar normal şərtlərdir", - deyə o bildirib.

O qeyd edib ki, Qərbi Qazaxıstan bölgəsində yerləşən Kondensat zavodunu Qazaxıstan və ya Rusiyanın boru kəməri sistemləri ilə birləşdirən heç bir boru kəməri yoxdur. Neft dəmir yolu ilə çatdırılacaq.

Aysel Şirinova