Rusiyanın onlarla yaşayış məntəqəsi və 14 şəhəri sunami təhlükəsi altındadır.

Tvit.az xəbər verir ki, bu barədə Rusiya Fövqəladə Hallar Nazirliyi məlumat yayıb.

“Kamçatka sahilləri, Kuril adaları, Saxalin adaları və Primorye əraziləri Rusiyadakı sunaminin təsirlərinə həssasdır. 14 şəhər və bir neçə onlarla yaşayış məntəqəsinin əraziləri onların təhlükəsi altındadır”, - deyə bildirilib.

Mütəxəssislər xəbərdarlıq ediblər ki, güclü dalğalar saatda min kilometrə qədər sürətlə şəhərlərin sahillərini vura bilər. Qeyd edilib ki, adətən birinci dalğanın ardınca bir sıra təkrar, daha güclü dalğalar gəlir.

Aysel Şirinova