Astarada ağır yol qəzası baş verib.
Tvit.az xəbər verir ki, rayonun Şahağacı kəndi ərazisində qeydə alınan qəzada Bakı sakini Əlihüseyn Rafail oğlu Əlizadənin idarə etdiyi 90-MZ-032 dövlət qeydiyyat nişanlı “Mercedes” markalı avtomobil idarəetmədən çıxaraq əvvəl ərazidən keçən qaz xəttinə, sonra isə işıq dirəyinə çırpılıb. Nəticədə sürücü hadisə yerində dünyasını dəyişib.
Faktla bağlı araşdırma aparılır.
Qeyd edək ki, DSX-nin zabiti – baş leytenant Əlihüseyn Əlizadə ATV-nin tanınmış aparıcısı Vüsalə Əlizadənin qardaşıdır.
