Bu gün səhərdən etibarən Rusiya Silahlı Qüvvələri tərəfindən Ukrayna ərazilərinin raket atəşinə tutulması nəticəsində bir neçə vilayətdə partlayışlar baş verib.
Tvit.az APA-ya istinadən xəbər verir ki, bu barədə “Unian“ bildirib.
Məlumatda deyilir ki, Ukraynanın Kiyev, Nikolayev, Vinnitsa və Dnepropetrovsk vilayətlərində, həmçinin Odessada partlayışlar baş verib. Dağıntılar, ölən və yaralananlar barədə dəqiq məlumat yoxdur.
Qeyd edək ki, səhər saatlarından etibarən bütün Ukrayna ərazisində hava həyəcanı siqnalı verilib, hava hücumundan müdafiə (HHM) sistemləri çalışır.
