Türkiyə sahillərində Rusiyaya məxsus yük gəmisi batdı

Türkiyənin Bartın vilayətinin İnkumu sahillərinə yaxın ərazidə Rusiya bayrağı altında üzən yük gəmisi batıb. Bartın valisi uzunluğu 200 metr olan gəminin dalğalar üzündən Qara dənizin İnkumu sahilinə çata bilmədiyini və gəmidə 15 nəfərlik heyətin olduğunu bildirib. Bartın limanındakı gəmilər axtarış-xilasetmə işlərinə cəlb olunub. Gəmidəki 15 nəfərlik heyyət üzvündən 4-nün cəsədi tapılıb, 6 nəfər isə xilas edilib. İlkin məlumata görə, gəminin batmasına əlverişsiz hava şəraiti səbəb olub. Axtarış-xilasetmə tədbirləri davam etdirilir.