Gürcüstanın sabiq Prezidenti Mixeil Saakaşvili ölkəsinə qayıdıb.
Tvit.az-ın xəbərinə görə, bu barədə Saakaşvili “Faceebok” hesabında bildirib.
“Sabahın xeyir, Gürcüstan! Artıq 8 il sonra Gürcüstanda”, – eks prezident qeyd edib.
Daha sonra, M. Saakaşvili özünün “Facebook” hesabında Batumidən video yayıb.
M. Saakaşvili öz tərəfdarlarını sabah keçiriləcək yerli özünüidarəetmə seçkilərində iştirak etməyə çağırıb.
“Bura Batumidir. Biz oktyabrın 2-də seçkilərdə iştirak etməli, Vahid Milli Hərəkat partiyasına səs verməliyik”, – sabiq prezident qeyd edib.
Gürcüstanın Daxili İşlər Nazirliyi M. Saakaşvilinin ölkəyə qayıtması xəbərini nə təsdiq, nə də inkar edib.