Qərb qorxur ki, Ukrayna Silahlı Qüvvələrinin Kursk bölgəsinə hücumu Kiyev müttəfiqlərinin sıralarında parçalanmaya gətirib çıxaracaq.
“Tvit.az” xəbər verir ki, bu barədə “Bloomberg” yazır.
Materiallarda deyilir ki, bəzi NATO müttəfiqləri Ukraynanın hərəkətlərini dəstəkləyib, digərləri isə döyüşlərin şiddətlənməsinin Ukrayna qoşunlarını “kövrək cəbhə xəttindən yayındıra və Kiyev tərəfdarları arasında potensial olaraq nifaq sala biləcəyindən” qorxurlar. İtaliyanın müdafiə naziri Guido Crosetto-nun NATO-da Ukrayna Silahlı Qüvvələrinin Kursk bölgəsinə hücumunu açıq şəkildə tənqid edən ən yüksək vəzifəli şəxs olduğu vurğulanır. Bildirilib ki, Ukraynanın müttəfiqləri arasında narazılığın əsas amillərindən biri Kiyevin hərəkətlərinin məqsədləri ilə bağlı aydınlığın olmamasıdır.
Aysel Şirinova
