Moldovanın yeni seçilmiş prezidenti Maya Sandu avtomobillə Ukraynaya səfər edib. Ukrayna prezidenti Vladimir Zelenski ölkəsində səfərdə olan Moldovanın yeni seçilmiş prezidenti Maya Sandu ilə görüşüb.
Tvit.az xəbər verir ki, bu barədə Ukrayna prezidenti Vladimir Zelenski “Twitter” səhifəsində məlumat yayıb. O qeyd edib ki, bu, iki ölkə arasında yeni münasibətlərin başlanğıcıdır:
“Bizi ortaq dəyərlər və Avropa ilə münasibətlərdə gündəlikdə duran məsələlər birləşdirir. Biz Moldova prezidentinin Ukraynanın ərazi bütövlüyünə və suverenliyinə verdiyi dəstəyi və Krımın Ukrayna olması ilə bağlı yanaşmasını yüksək dəyərləndiririk”.
