İranda 59 milyondan çox insan səs verə biləcək

İranda keçiriləcək prezident seçkilərində 59 milyondan çox seçici iştirak edə biləcək. Bu barədə məlumat verən İranın Daxili İşlər Nazirliyinin Seçki idarəsinin mətbuat katibi İsmayıl Musəvi bildirib ki, ölkədə kişi seçicilərin sayı 29,98 milyon, qadın seçicilərin sayı isə 29,33 milyondur. Seçicilərdən 1 392 148 nəfəri ilk dəfə səs verəcək. Bütün ölkə üzrə 72 min seçki qutusu qoyulacaq. Qeyd edək ki, İslam Respublikasında 13-cü prezident seçkiləri iyunun 18-də keçiriləcək. Dövlət başçısı postuna 7 namizəd iddialıdır.