İran yeni irimiqyaslı hərbi təlimlərə başladı

İran ordusu ölkənin cənub-şərqində yeni irimiqyaslı hərbi təlimlərə start verib. Təlimlər Ərəb dənizi sahillərindəki Merkan rayonunda keçirilir. İran dövlət televiziyasının məlumatına görə, təlimlərdə xüsusitəyinatlı qüvvələr və xilasetmə briqadaları iştirak edir. Təlimləri İran Silahlı Qüvvələrinin nizami ordusunun qərargar rəisi Əbdülrəhman Musəvi, Quru qoşunları komandanı Kiumars Heydəri və digər yüksək rütbəli hərbçilər izləyir. Bildirilir ki, təlimlərdə əsas məqsəd quru qoşunlarındakı hərbi hissələrin mobil hazırlığını və gücünü qiymətləndirməkdir. Qeyd edək ki, İran son vaxtlar İsraillə menasibətlərin gəginləşməsi fonunda tez-tez hərbi təlimlər keçirir.