İrəvanda növbəti etiraz – müxalifətçilər Paşinyanın şəkilləri ilə yürüş etdi

Ermənistanda baş nazir Nikol Paşinyana qarşı etirazlar davam edir. Bu gün paytaxt İrəvanda 10-larla müxalifət tərəfdarı avtomobillərinə üzərində “satqın Nikol”, “Nikol, rədd ol!” sözləri yazılmış Paşinyanın şəkillərini yapışdıraraq, paytaxtın mərkəzi küçələri ilə yürüş ediblər. Aksiyaçılar Respublika meydanına da girməyə çalışsa da, polis əməkdaşları buna imkan verməyib. Asayiş keşikçiləri müxalifətçilərə aksiyanı meydandan yan keçməklə davam etdirməyi məsləhət görüblər.