Gürcüstanın Borjomi bələdiyyəsində baş verən meşə yanğınının miqyası genişlənib.
Tvit.az xəbər verir ki, iki gün öncə başlayan yanğın gecə boyunca da davam edib.
Gürcüstan Fövqəladə Hallar Xidmətinin məlumatına görə, yanğının söndürülməsi prosesinə 4 helikopter, 50 yanğınsöndürən maşın, 300-ə yaxın yanğınsöndürən və Daxili İşlər Nazirliyinin Xüsusi Tapşırıqlar Şöbəsinin 300-dək əməkdaşı cəlb olunub.
Hökumətin dəyən zərərin miqyasını müəyyənləşdirdiyi qeyd olunub.
Yanğın baş verən ərazinin dronlarla monitorinqinin aparıldığı bildirilir.