Yəmənin üsyançı Ənsar Allah hərəkatının husiləri, Qırmızı dənizdə hücuma məruz qalan və zədələnmiş Sounion tankerini dartmaq üçün müvəqqəti atəşkəsə razılaşıblar.
Tvit.az xəbər verir ki, bu barədə İranın BMT-dəki daimi nümayəndəliyinin jurnalistlərə yaydığı bəyanatda deyilir.
“Ənsar Allah Fələstinə dəstək və sionistlərə yanacaq ötürülməsinin qarşısını almaq siyasətinə uyğun olaraq Qəzzada müharibə davam etdiyi bir vaxtda Qırmızı dənizdə İsrail rejiminə doğru hərəkət edən neft tankerlərinə hücumlarını davam etdirəcəyini açıqlayıb”, – deyə bildirilib.
Aysel Şirinova
