Bu ilin yanvar-sentyabr aylarında Rusiyadan Azərbaycana fermentasiya olunmuş süd məhsullarının ixracı 5% artıb.
“APA-Economics”in məlumatına görə, bu barədə “Rusiya ixracatçıları” portalında deyilir.
Qeyd olunub ki, hesabat dövründə Rusiya süd məhsullarının ümumi ixracının dəyəri 2019-cu ilin göstəricisini 25% üstələyərək 269,4 mln. ABŞ dollar, həcmi isə süd ekvivalentində 13% artaraq 633 min tona çatıb.
MDB ölkələri arasında Rusiyadan süd məhsulları əsasən Qazaxıstan, Ukrayna və Belarusa ixrac olunub ki, bu da ixracın təxminən 91%-ni təşkil edib.
Bu ilin 9 ayında Rusiyadan Azərbaycana fermentasiya olunmuş süd məhsullarının ixracı isə 5% artıb.
Qeyd olunan müddətdə Rusiya kəsmik ixracını 2% azaldıb. 2020-ci ildə pendir və kəsmik ilk dəfə süd məhsulları ixracında lider kateqoriyasına yüksəlib. Belə ki, hesabat dövründə Rusiyadan 67,9 mln. dollar dəyərində 21,4 min ton məhsul ixrac edilib.
